Համայնք

Աշոտ Մելիքյան
Բամբակաշատ համայնքի գյուղապետ

Բամբակաշատ գյուղը գտնվում է ՀՀ Արմավիր մարզում, Արմավիր քաղաքից 5 կմ հր.-արմ., արգավանդ հարթավայրում` թաղված մրգատու և խաղողի այգիների մեջ: Տները տուֆակերտ են, տանիքները` թեք: Հողային տարածքը 977 հա `, բնակչության թիվը` 3740:
1842թ.-ին գյուղը հիմնադրել են Ալաշկերտից, Բիթլիսից, Մուշից, Տարոնից, Կողբից գաղթածները: Նախկինում գյուղը կոչվել է Մոլլա Բայազետ: Բամբակի բարձր բերքատվության համար գյուղը վերանվանվել է Բամբակաշատ` ՀԽՍՀ երագույն խորհրդի 1935թ. հունվարի 3-ի հրամանագրով: Ունեցել է սոցիալական աշխատանքի 7 հերոս:
1901թ.-ին գյուղում կառուցվել է սուրբ Մարիամ Աստվածածին եկեղեցին, որը մինչև այժմ կանգուն է և համարվում է մարզի հոգևոր կենտրոնը:
յուղն ունի 1 միջնակարգ դպրոց, մշակույթի տուն, 2 գրադարան, կապի բաժանմունք, բուժ-ամբուլատորիա, հաստոցաշինական գործարան:
Այստեղ են ծնվել արձակագիր Քրիստափոր Խուրշուդյանը, բանաստեղծ-արձակագիր Սաղաթել Հարությունյանը և այլոք:
Երկրորդ աշխարհամարտին ակտիվ մասնակցություն են ցուցաբերել նաև մեր համագյուղացիները` թվով 172 բամբակաշատցիներ, որոնցից 101-ը ընկել են հերոսի մահով: Ցուցաբերած արիության և հերոսության համար մի շարք բամբակաշատցիներ` ուրգեն Դանիելյանը, Համբարձում Սարիբեկյանը, Կոստյա Կոստիկյանը, Պարույր Մովսիսյանը պարգևատրվել են ՙԿարմիր աստղ՚ շքանշանով:
Պատերազմին ակտիվ մասնակցություն են ցուցաբերել նաև Բամբակաշատի միջնակարգ դպրոցի ուսուցիչներ Մ. Խաչատրյանը, Հ. Կիրակոսյանը, Օն. Մնացականյանը, Ս. Պողոսյանը, Հ. Եղիազարյանը և Ս. Քալաշյանը, որոնց անուններով էլ անվանակոչվել են մի շարք կաբինետներ:
յուղում կանգնեցված է Հայրենական մեծ պատերազմում համագյուղացիների հիշատակը հավերժացնող հուշարջանը, որի մոտ ամեն տարի` մայիսի 9-ին, կազմակերպվում են Մեծ հաղթանակին նվիրված միջոցառումներ, որոնք մեծ դեր են խաղում երիտասարդ սերնդի ռազմահայրենասիրական դաստիարակության գործում:
Արցախյան պատերազմի օրերին բամբակաշատցի շատ երիտասարդներ, ոգեշնչված պապերի և հայրերի հերոսությամբ, մասնակցեցին Արցախի և Շուշիի ազատագրմանը:
Այսօր էլ մեր դպրոցի շրջանավարտների մի մասը ծառայում է ազգային բանակի հրամանատարական կազմում` պաշտպանելով հայրենիքի անկախությունն ու սահմանները:

Հողային տարածքը 977 հա է, բնակչության թիվը` 3740:
Գյուղում կանգնեցված է Հայրենական Մեծ պատերազմում զոհված հերոսներին հավերժացնող ՙԱնհայտ զինվորի՚ հուշարձանը, որի մոտ ամեն տարի մայիսի 9-ին կազ- մակերպվում են մեծ հաղթանակին նվիրված միջոցառումներ: Հայրենական մեծ պատերազմին մասնակցել են մեծ թվով բամբակաշատցիներ , որոնցից շատերը մինչև օրս մեզ հետ են: